Brève description / annotation

Londres, fin del sègle dètz-e nòu. Un òme, estranh e sinistre, sonat Hyde trèva per las carrièras. Sénher Utterson, notari e amic del Doctor Jekyll, es tafurat pel testament qu'a fach aqueste en favor de Hyde. Lo sospièch ganha lo notari quand apren la crudelitat de l'eiretièr de son amic e ne vòl saupre mai sus aquel personatge... Aquel roman fantastic, conegut de totes, pausa la question de la dobla personalitat, espeltirada pel ben e pel mal, que caup al dintre de cada èsser uman. Robert Louis Stevenson es nascut a Edimborg (Escòcia) en 1850 e mòrt a Vailima (Samoa Occidentalas) en 1894. Es mondialament conegut mai que mai per sos romans fantastics e d'aventuras qu'a elevats a un nivèl grand de la literatura. Pèire Beziat (nascut en 1954) nos torna presentar una òbra màger de la literatura mondiala. Ja foguèron editadas ençò de las Edicions deus Regionalismes, sas reviradas de Viatge amb un Ase per Cevenas de R.-L. Stevenson, La Pèsta Escarlata de Jack London, 1984 de George Orwell, Las Memòrias de Sherlock Holmes d'Arthur Conan Doyle, L'Òme invisible de H. G. Wells e Las trenta-nòu Grasas de John Buchan. Un classique du roman fantastique de R.-L. Stevenson, traduit en occitan par Pèire Beziat.

Détails